Wednesday, June 9, 2010

სტატისტიკური მონაცემები შეეფერება თუ არა სინამდვილეს?

როგორც კობა არაბული (ექსპერტი ტურიზმის განვითარების საკითხებში) ამბობს, უკანასკნელი წლების განმავლობაში საქართველოს მსოფლიოში გაპიარება რამდენიმე ფაქტორმა განაპირობა, ესენია: ვარდების რევოლუცია, 2008 წლის აგვისტოს ომი და თუნდაც ოპოზიციის მიერ მოწყობილი საპროტესტო გამოსვლები. ამის გამო ტურისტების ნაწილი საქართველოთი ინტერესდება და მის სანახავად ჩამოდის კიდეც. თუმცა პიარიც პიარია და მასაც შეუძლია საპირისპირო შედეგის ჩვენება, რაც ამ შემთხვევაში საქართველოს იმ სიაში შეყვანით გამოიხატა, რასაც ტურისტებისათვის საშიში ქვეყნების ათეული ჰქვია.
,,-ეს არის მესიჯი საელჩოებისათვის, რომ ეს ქვეყნები ტურისტებისათვის არაკეთილსაიმედოა. და როცა ამ ფონზე მეუბნებიან, ქვეყანაში ჩამომსვლელი ტურისტების რაოდენობამ მილიონ-ნახევარს გადააჭარბაო არალოგიკური და სასაცილოც კია. ტურიზმისა და კურორტების დეპარტამენტს რომ კითხო, ეს სტატისტიკური მონაცემები საიდან მოგაქვსო, გეტყვიან, საქართველოში ჩამომსვლელი ტურისტების რაოდენობას სასაზღვრო გამშვებ პუნქტზე ითვლიანო. უკაცრავად, მაგრამ ვინც საზღვარს გადმოკვეთს თუ ყველა ტურისტად უნდა მივიჩნიოთ, მაშინ გამოდის, რომ საბერძნეთში და საზღვარგარეთ ლუკმა-პურის საშოვნელად წასული ქართველებიც ტურისტები ყოფილან”.
არის თუ არა დეპარტამენტის მიერ შემუშვებული სტატისტიკური მონაცემები რეალური? შეეფერება თუ არა სინამდვილეს? თუ გავითვალისწინებთ იმ ფაქტს, რომ დეპარტამენტის ცნობით, როცა საქართველოში ომი მიმდინარეობდა ტურისტების რაოდენობა გაიზარდა და მილიონსაც კი გადააჭარბა, ცოტა არ იყოს ეჭვს იწვევს.
,,-დეპარტამენტის მიერ მოწოდებული სტატისტიკა მხოლოდ გაბერილი რიცხვებია და მეტი არაფერი. ამით კი კომკავშირულ სისტემას ემსგავსებიან. მათ იციან მხოლოდ ის, რომ ეს რიცხვები ყოველწლიურად უნდა იზრდებოდეს, რათა ყველას დაანახონ, რომ კარგად მუშაობენ, მაგრამ ტურისტების რაოდენობას ასე რომ მიზრდი, შემოსავლებში რომ მოგკითხო, რას მეტყვი? მაგრამ საქმე ისეა აწყობილი, შემოსავლის რაოდენობას ვერსად ნახავს კაცი“

link

No comments:

Post a Comment