2010 წლის ტურისტული სეზონი უკვე დაწყებულია

2010 წლის ტურისტული სეზონი უკვე დაწყებულია. Dტურიზმისა და კურორტების დეპარტამენტის ცნობით ზამთრის სეზონმა გაამართლა. წინა წელთან შედარებით ტურისტების რაოდენობა 110 992 გაიზარდა. გასული წლის პირველ კვარტალში თუ ზამთრის კურორტებს 239 521 ტურისტი სტუმრობდა ამ მაჩვენებელმა წელს 350 518-მდე მიაღწია. წელს ტურისტების ნაკადით უკრაინა 26%-ით გამოირჩეოდა. შემდეგ ადგილებს გერმანია 26%, თურქეთი 12%, შვეიცარია 8%, საფრანგეთი 8%, ლატვია 8%, ესპანეთი 4%, ლიტვა 4% და შვედეთი 4% ინაწილებენ. საინტერესოა ის ფაქტიც, რომ წელს საზამთრო კურორტებზე ჩამომსვლელი ერთი ამერიკიდან ტურისტიც კი არ დაფიქსირებულა.
ტურიზმისა და კურორტების დეპარტამენტის მონაცემებით საქართველოში ტურისტების რაოდენობა წლებთან ერთად კიდევ უფრო იზრდება. Dმათი ინფორმაციით 2003 წლიდან, მიუხედავად 2008 წელს გადატანილი ომისა და ქვეყანაში მძიმე სოციალურ-პოლიტიკური მდგომარეობისა, ტურისტების რაოდენობა იქამდე გაიზარდა, რომ მილიონსაც კი გადაარჭაბა. 2009 წელს კი მათმა საერთო რიცხვმა მილიონ-ნახევარს მიაღწია. რაც შეეხება პროცენტულ მაჩვენებელს, 2007-2009 წლებში ტურისტების რაოდენობა 42%-ით გაიზარდა. ტურისტების რაოდენობის ზრდას 2010 წლის მეორე კვარტალსაც უწინასწარმეტყველებენ.